Сите ученици во средните училишта на Град Скопје ќе можат бесплатно да го користат јавниот превоз
Објавено во: Мои пари 01 Септември, 2018
Од утре, понеделник (3.09.2018.година), сите ученици во средните училишта на Град Скопје ќе можат бесплатно да го користат јавниот превоз, независно од оддалеченоста на местото на живеење од училиштето во кое учат.
Учениците кои досега немаа право на бесплатен превоз, преку училиштата ќе добијат времен билет со кој ќе можат да ја користат најавената привилегија, се до изготвување на персонализирана картичка.
Конкретно за целата процедурата, учениците утре ќе бидат директно информирани во училиштата.
Досега бесплатен превоз користеа околу 20.000 ученици кои живеат на повеќе од 2,5 километри оддалеченост од училиштето во кое учат. Од оваа учебна година бесплатен превоз ќе имаат можност да користат дополнителни над 2.000 ученици односно сите ученици во средните училишта на Град Скопје без исклучок.
Дополнителните средства за бесплатниот превоз на ученици се обезбедени директно од Буџетот на Град Скопје за 2018 година како дел од Програмата за активности на градот за средното образование.