Скок на цените на горивата од ноќеска: Поскапата нафта ги поскапе и бензините и дизелот
Објавено во: Економија 08 Февруари, 2021
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за денар и половина за литар, додека малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се зголемуваат за еден денар за литар, објави Регулаторната комисија за енергетика. Од ноќеска на полноќ се зголемува и малопродажната цена на Мазутот М-1 НС и тоа за 1,448 денари за килограм.
Одлуката за поскапување на горивата следи по растот на цените на нафтата на светскиот пазар кои на берзите минатата недела го достигнаа највисокото ниво во последната година.
„Освен што минатата недела берзанските цени на сите нафтените деривати бележат раст, дополнително раст регистрира и денарот во однос на доларот. Имунизацијата и сите претходно наведени фактори укажуваат дека на пазарот со нафтени деривати е отпочнат процесот на стабилизација.“ изјави Марко Бислимоски, претседател на РКЕ.
Еве ги новите цени на бенините - литар моторен бензин еуросупер од 95 октани ќе чини 62,5 денари, а еуросуперот од 98 октани ќе се продава за 64,5 денари. Дизелот ќе чини 53 денари за литар донеска мазутот 32,884 денари за килограм.
Можеби ќе ве интересира
Роботите го имаат приматот во индустријата, човекот останува неприкосновен во другите дејности
Договорот за слободна трговија меѓу Кина и Еквадор стапи на сила на 1 мај
ПЕНЗИИТЕ СЕ НАМАЛУВААТ: Чешка ја зголемува старосната граница за пензионирање
МИНИСТЕРСТВОТО ЗА ФИНАНСИИ ОБЈАВИ ПОДАТОЦИ: Колку изнесува јавниот долг?
ШТО ЈА ПАДНА ИНДУСТРИЈАТА ВО МАРТ, „ПОТОНА“ ЗА НАД 10 ОТСТО - најголем минус во снабдувањето со струја и гас
ЦЕЛ ПРОФИТ ОД БЛИЗУ ШЕСТ МИЛИОНИ ЕВРА ЌЕ ОДИ ЗА ПОКРИВАЊЕ НА СТАРИ ЗАГУБИ - во „Макстил“ ќе има и промени, а еве за што се работи
ЦЕЛИОТ СВЕТ СВРТЕН КОН ЗЛАТОТО: Најбезбедна инвестиција
