„Сваровски“ судијката која Катица бара да се разреши ќе му суди на битолскиот градоначалник
Објавено во: Македонија 20 Јуни, 2017
Името на судијката која се појавува во бобите за прислушувањето и која во јавноста е позната како „сваровски“ судијката го доби предметот за случајот „Транспортер“ кој го води Специјалното јавно обвинителство.
Тоа значи дека Лидија Петровска ќе му суди на битолскиот градоначалник Владимир Талески кој во случајот „Транспортер“ заедно со уште неколкумина лица се сомничи за злоупотреба на службената положба во врска со организирањето превоз на ученици во Битола
„Советот за оценка на обвинителен акт при Основниот суд Скопје 1 – Скопје кој постапуваше по обвинителниот акт поднесен од страна на Основното јавно обвинителство за гонење кривични дела поврзани и кои произлегуваат од незаконското следење на комуникациите (СЈО) против 21 лице за предметот во јавноста познат како „Транспортер“, по добивање и разгледување на приговорите на странките во постапката во однос на обвинението, како и ценејќи ги фактите врз кои е заснован актот, донесе одлука со која го одобри обвинителниот акт“, соопштија од Судот.