Светски ден на водата - останете дома, пијте повеќе вода и редовно мијте ги рацете

Добивај вести на Viber

По повод Светскиот ден на водата, ЈП Водовод и канализација – Скопје, апелира секој од нас да преземе акција, да ја чуваме водата и одговорно да се однесуваме кон неа и природните водни ресурси, оттаму доаѓа изворот на нашето здравје, изворот на животот.

„Останете дома, пијте повеќе вода за прочистување на организмот, редовно мијте ги рацете, одржувајте ја хигиената, спречете го ширењето на корона вирусот. Од нас зависи“, велат од ова јавно претпрјатие.

Идејата за одбележување на Светскиот ден на водата потекнува од 1992, кога се одржала и Конференцијата за животна средина и развој во ОН. Токму тогаш од страна на Собранието на ОН, 22 март се одредува како Светски ден на водата, чие одбележување започнува од 1993. Светскиот ден на водата ја слави водата и има за цел подигање на јавната свест на 2,2 милијарди луѓе кои немаат пристап до чиста вода за пиење. Главниот фокус на Светскиот ден на водата е поддршка на достигнувањата на целта за одржлив развој 6 (Sustainable Development Goal 6).

Оваа година Светскиот ден на водата се однесува на водата, климатските промени и нивната поврзаност. Со прилагодување на ефектите на водата предизвикани од климатксите промени, придонесуваме до заштита на здравјето и можеме да спасиме живот, а со правилна употреба на водата придонесуваме до намалување на ефектите на стаклена градина. Немаме време за чекање; Водата може да помогне во борбата против климатските промени; Сите треба да преземеме акција.