ТМРО: Јавното обвинителство и Иванов да го спречат уривањето на унитарниот карактер
Објавено во: Македонија 24 Февруари, 2017
Од ТМРО велат дека СДСМ нема легитимитет да договара промена на банкнотите и монетите и нивна замена со нови, испишани двојазично, односно и на албански јазик.
ТМРО ги повикува Јавното обвинителство и претседателот Ѓорѓе Иванов согласно со законските овластувања да го спречат уривањето на унитарниот карактер на Република Македонија.
„Секој обид за промена на идентитетот на македонската држава без мандат, а таков СДСМ нема, ќе доведе до масовна и неконтролирана реакција на македонскиот народ и спречување со сите средства на какво било редефинирање со кое се урива унитарниот карактер на македонската држава“- велат од партијата.
Од партијата ја повикуваат СДСМ да ја потврди или негира синоќешната изјава на Бујар Османи дека е постигнат договор за двојазични банкноти.