Трамп конечно ќе се сретне со Путин но, во многу тензичен момент

Добивај вести на Viber

Белата куќа и Кремљ со месеци се обидуваа да организираат вистинска средба меѓу претседателите Доналд Трамп и Владимир Путин, но нивното прво видување ќе мора да се случи за време на Самитот Г20 во Хамбург, Германија кој се одржува следната недела. Бидејќи и двајцата претседатели ќе бидат на исто место во исто време сосема очекувано е на маргините на самитот да реалзираат средба на која ќе се разговара за Украина, Сирија и секако за наводното вмешување на Русија во американските избори.

Од голема важност за двете земји но, и за целиот свет ќе биде што ќе се каже на оваа средба. Дали Трамп ќе бара спас од домашните критичари и ќе се прикаже пред Путин како цврст лидер кој нема да дозволи било какво руско мешање или пак ќе се обиде да ги нормализира односите со Русија и ќе најави нова ера на меѓусебна соработка и почитување. 

Трамп токму поради позитивните пораки кои ги упатуваше кон Русија и Трамп во текот на кампањата стана еден вид на непријателн на сопствените американски разузнавачки агенции кои и натаму се убедени дека Путин е нивниот непријател број еден, а не се фокусираат на предизвикот наречен Кина како и на војните што ги водат на Блискиот Исток.

Русија пак, најверојатно ќе ја продолжи својата агресивна политика во Сирија и Украина за да му докаже на НАТО дека залудни се нивните обиди да се прошират со нови членки директно до границите на Путин. Рускиот претседател сепак, ќе мора смирено да покаже дека сака вистинско нормализирање на односите на САД, но прашање е на какви отстапки е подготвен.

Х.С.