Три стана, две земјишта, два автомобили: Што поседувал новиот заменик министер за здравство Хасани

Добивај вести на Viber

Три стана во Скопје, две земјишта од над 2.000 квадратни метри, три возила, милиони депозити, ама и кредит. Новиот заменик министер за здравство Илир Хасани располагал со движен и недвижен имот во милиони евра. Ова се податоци од анкетниот лист кој тој го имаше поднесено како директор на ЈЗУ за ТОАРИЛУЦ. Новоизбраните министри и заменици министри се уште поднесуваат анкетни листови, па така за голем дел од нив уште не се објавени или обновени. 

Хасани тогаш пријавил како заеднички имот, земјишта во Скопје, на две парцели едната од 2. 586 метри квадратни и другата на 2.605 квадрати. Двете земјишта вредат вкупно 4,5 милиони денари. Има три стана и за два навел дека се заеднички имот - едниот е 88 квадрати, другиот 136 метри квадратни додека третиот е личен имот и е 94 метри квадратни. Сите вредат 16 милиони денари.

Хасани тогаш пријавил благородни метали во вредност од милион денари.

Има два автомобили, голф и БМВ и два депозита вредни вкупно 1,5 милиони денари

Кредитот е на сума од 2,4 милиони денари ама според листот тој во 2019 година веќе требало да биде исплатен.