Турција и се закани на Холандија со „силен одговор и одмазда“
Објавено во: Балкан 12 Март, 2017
Холандија треба да очекува силен одговор на неприфќањето на турски министри изјави премиерот Бинали Јилдирим, цитиран од Associated Press.
Холандските власти ја нарекоа министерката за семејство и социјална политика на Турција Фатма Бетјул Сајан Каја „несакан странец“ и ја протераа од земјата, а таа се обиде да присуствува на митинг за поддршка на турскиот претседател во Ротердам.
Во изјавата турскиот премиер ги повика своите сонародници во европските земји да останат смирени. Тој ги повика да гласаат на референдумот закажан за 16 април, за промена на уставот. Според Јилдирим тоа ќе е најдобар одговор на провокациите од страна на европските држави.
Министерот за надворешни работи на Турција Чарушоглу вети десетократна одмазда на холандската влада. Според него „какви чекори и да преземат, ние ќе преземеме десеткратна акција. Не се плашиме, но тоа што тие го прават е навистина нечовечко, објавија турските агенции.
Министерот за надворешни работи истакна дека Владата на Холандија дејствува антиимигрантски и антимуслимански во поголема мера дури и од лидерот на крајнодесничарската „Партија на слободата“ Герт Вилдерс. За причините за тоа Чарушоглу истакна: „Бидејќи тие не сакаат стабилна, силна и слободна Турција“. Активностите на холандските власти провоцираат исламофобија и ќе останат во историјата како црна дамка, сметаат властите во Анкара.
Истовремено стана јасно дека Европската унија ќе започне со намалување на финансирањето на програми кои се реализираат во рамките на преговорите за пристапување на Турција во ЕУ. Ова стана јасно од изјавата на еврокомесарот за проширување Јоханес Хан, цитиран од ДПА. Намалување на финансирањето ќе биде во области без особен напредок. Во периодот 2014-2020 година се предвидени над 4 милијарди евра за поддршка на Турција, од кои само 167 милиони евра се исплатени до моментов, повеќето средства се насочуваат за развој на граѓанското општество, образованието и науката.