Уапсен уште еден Србин за убиството на Закинтос-обвинетите може да добијат максимална доживотна казна затвор

Добивај вести на Viber

Уште едно лице е уапсено поради убиството на американскиот турист на Закинтос. Како што пренесуваат грчките медиуми, во прашање е „млада личност од Србија“.

Како се наведува, полицијата има снимки од безбедносните камери со помош на кои го идентификувала деветтиот осомничен за злосторството, а после потрагата тој е уапсен утрово.

Претходно се уапсени шест момчиња од Србија, како и еден Грк и еден Босанец од српско потекло. Тие се во притвор и во текот на денот требало да бидат изведени на сослушување пред истражен судија.  Сослушувањето е одложено.

Сите се под истрага за намерно убивање, a им се заканува и максимална доживотна казна затвор.

Бакари Хендерсон , од Остин во американската држава Тексас,е претепан до смрт рано во петокот пред бар во Закинтос во туристичкиот квартал Лагана.

Околностите на тепачката уште не се целосно јасни, бидејќи во јавноста се појавија неколку верзии на настанот.

Родителите на двајцата уапсени тврдат дека нивните деца се невини, а стравуваат дека им се заканува испорачување во САД.

Исто така, таткото на еден од уапсените вели дека државата Србија задоцнила во заштита на своите граѓани.