Убиство со вила во Кавадарци
Објавено во: Македонија 16 Ноември, 2021
Едно лице ноќеска околу 2 часот по полноќ било усмртено откако било прободено со земјоделскиот алат вила во расправија за старателство над дете.
Засега неколку лица се приведени, кои најверојатно учествувале во расправијата што прераснала во физичка пресметка во која се користеле разни предмети.
- На 16.11.2021 околу 04.30 часот во Кавадарци, полициски службеници од Полициската станица Кавадарци го лишиле од слобода Х.С.(45) од Кавадарци. Тој се сомничи дека околу 23.30 часот, при физичка пресметка помеѓу повеќе лица на ул.„Методија Џунов“ во „Брушанско Маало“ во Кавадарци, при што биле употребени остри и тврди предмети, со остар предмет му нанел убодна рана на З.П.(59)од Кавадарци, кој подоцна починал во болницата во Кавадарци, потврди полицијата.
Во полициската станица Кавадарци досега бил извршен разговор со С.А.(37), А.А.(63), А.М.(42) и Џ.Х.(19), сите од Кавадарци о се преземаат мерки за расчистување на случајот.