Вархеји по извештајот за Северна Македонија: Македонските политичари да се дружат повеќе со бугарските

Добивај вести на Viber

Европската комисија вчера ги објави редовните извештаи за напредокот во реформите во земјите од Западен Балкан и Турција, како и долгоочекуваниот Економски инвестициски план за регионот.

Според извештајот за Северна Македонија напредок е постигнат во повеќето области, но има и такви во кои потребни се дополнителни напори, како што се медиумите и законодавство за превенција од дискриминација.

Она што остави силен белег на самиот настап во големата сала на Европскиот Комисија, во присуство на голем број новинари од сите европски земји, вклучително и од Бугарија, беше јавното соопштение од официјалниот портпарол дека говорот на Европскиот Комесарот за проширување Оливер Вархеји исто така ќе биде преведен на македонски јазик

Комесарот за проширување и добрососедство на ЕУ, Оливер Вархеји ќе престојува денеска во Скопје за да го претстави извештајот на ЕК за напредокот на земјата. Вархеји ќе има средби со премиерот Зоран Заев и членови на Владата. Се очекува и работен ручек на Вархеи со претседателот Стево Пендаровски. За време на посетата, еврокомесарот ќе оствари средба со лидерот на опозициската ВМРО-ДПМНЕ, Христијан Мицкоски.

Вархеји вчера на прес-конференцијата во Брисел на претставниците на македонската Влада им порача дека треба да инвестираат директно во дијалогот со Бугарија со цел решавање на споровите. 

- Работиме рака под рака со бугарските и македонски власти, минатата недела ги примив министерот за надворешни работи и вицепремиерот.  Ги охрабрив да се дружат со нивниот сосед, бидејќи станува збор за заеднички интерес да се пронајде решение што е прифатливо за обете страни, рече Вархеји.

Тој уште еднаш потврди дека целта на Европската комисија и германското претседателство е да се одржи првата меѓувладина конференција, односно отворањето на првите поглавја за преговори до крајот на оваа година.