ВЕ ИСТУШИРАА ЛИ БЕСПЛАТНО ДЕНЕС? За да добие казна возачот, мора да ве испрска пред полицаец или да барате докази!
Објавено во: Македонија 15 Март, 2023
Врнежливото време ги наполни градските улици и булевари со вода, а тоа значи шанса за несовесните возачи да ги испрскаат пешаците кои се движат на пешачките патеки.
Со оглед на тоа што во Скопје има голем број возачи кои не внимаваат на останатите учесници во сообраќајот, прскање на пешаци се очекува да има и денес.
Според Законот, доколку станете жртва на „бесплатно туширање“, немате многу опции. Или треба да имате среќа полицаец да посведочи на настанот, или за тоа ќе треба да барате и обезбедувате докази.
Според Законот за безбедност на патниот сообраќај на патиштата, односно, според членот 124, ставот два од овој Закон, возач што се движи со возило по коловоз на кој има вода е должен да го приспособи возењето така што нема да ги прска пешаците, возачите на велосипеди, велосипеди со помошен мотор, мопеди, мотоцикли, трицикли, лесни четирицикли и четирицикли.
Доколку не го почитува тоа, возачот може да добие казна во износ од 35 евра во денарска противвредност.
Пешакот може и да поднесе пријава и доколку се обезбедат докази, на сторителот ќе му биде издаден патен налог во согласност со наведената процедура.
Р.Ф.
Можеби ќе ве интересира
Петгодишно дете пронајденo со полиција во паркот во Сарај
Пронајдена човечка коска од гробишта каj Клинички центар
Од МВР нема одговор за „вооружената група во Чаир и Бутел“
Каевски и Мојсовски сметаат дека политички се обвинети од ОЈО
Нема да се знае кога ќе биде доведен Палевски, поради безбедносни причини
Деспотовски: Ново партиско раководство што ќе подаде рака кон членството
Изет Меџити кандидат за министер за внатрешни работи: Ќе видиме наредните денови
