24 Мај, 2019
0.0215

Верните потрошувачи на Бимилк го запознаа производствениот пат на млекото

Објавено во: Мои пари 16 Ноември, 2018

Вчера, на 15.11.2018 година, Битолска млекара организираше „отворен ден“ за своите лојални потрошувачи и за сите заинтересирани граѓани со цел одбележување на Светскиот ден на квалитетот, кој оваа година се прослави на 8 ноември.

Големиот број посетители, како и студенти од Биотехничкиот факултет во Битола, имаа можност одблизу да го запознаат процесот на производство на млекото и различните млечни производи од портфолиото на Бимилк и истовремено да се едуцираат како вистински да го препознаат квалитетот што секојдневно го консумираат.


„Како лидери во млечната индустрија, наша обврска и должност е да ги едуцираме нашите потрошувачи и, всушност, целта на овој ’отворен ден‘ е да ги одговориме сите прашања и дилеми со кои би можеле тие да се соочуваат, со цел да ја зајакнеме и да ја одржиме нивната доверба“, изјави Александар Мано, директор на фабриката во Бимилк.

Меѓународниот ден на квалитетот секоја година се одбележува под различна тема, а годинешниот фокус беше ставен токму на „довербата“, во смисла градење и одржување доверба кон сите засегнати страни: клиентите, добавувачите, вработените, регулаторите, акционерите и општеството.


Токму во таа насока, пред своите верни потрошувачи, Бимилк транспарентно ја потенцираше улогата што ја игра во целиот процес на млекопроизводството.

„Под поимот ’квалитет‘, во Бимилк ги подразбираме сите процеси на работењето на компанијата, а Системите за управување со квалитетот се поставени на тој начин што ќе овозможуваат следење на сите процеси и активности, почнувајќи од самата набавка на сирово млеко, преку производство, па сè до дистрибуцијата и продажбата. Согласно стандардите што ги имаме имплементирано и сертифицирано, ние сме обврзани и со постојано унапредување на ефикасноста на тие системи, со цел да гарантираме квалитетен и безбеден производ“, додаде Мано.

За време на обиколката, потрошувачите имаа можност да ги дегустираат млечните производи, но и да го видат целиот производствен пат што го поминува млекото, почнувајќи од приемот на сирово млеко во млекарницата, преку хемиска и микробиолошка контрола во интерната лабораторијата, па сè до пакување на производите и нивно складирање во магацините пред тие да се најдат во продажните објекти.


Инаку, Бимилк соработува со повеќе од 1.400 фармери од цела Македонија и дневно преработува над 140.000 литри млеко, што компанијата ја позиционира на врвот на млечниот пазар во Македонија, секојдневно задоволувајќи ги потребите на повеќе од милион задоволни потрошувачи.


Можеби ќе ве интересира

Шестата генерација на Opel Corsa вози на струја

Шестата генерација на Opel Corsa вози на струја

Според какви обичаи работи новиот паркинг во Скопје!?

Според какви обичаи работи новиот паркинг во Скопје!?

Уличниот дефект во Чаир е решен

Уличниот дефект во Чаир е решен

Дефектот на ул.4-ти Јули бб е саниран

Дефектот на ул.4-ти Јули бб е саниран

Дефектот на ул.Палмиро Толати е саниран

Дефектот на ул.Палмиро Толати е саниран

НЛБ Банка - носител на признанието „Компанија ориентирана кон луѓето“

НЛБ Банка - носител на признанието „Компанија ориентирана кон луѓето“

Дефектот на ул.Титовелешка е саниран

Дефектот на ул.Титовелешка е саниран

Рекордни 10.000 продадени примероци од „Нашиот пат“!

Рекордни 10.000 продадени примероци од „Нашиот пат“!

Актуелните проекти на Делегацијата на германското стопанство во Северна Македонија тема на разговор меѓу Азески и Мартенс

Актуелните проекти на Делегацијата на германското стопанство во Северна Македонија тема на разговор меѓу Азески и Мартенс