(ВИДЕО) Од јахтата на Тито ќе направат музеј - идејата наиде на отпор
Објавено во: Балкан 27 Ноември, 2017
Хрватскиот град Ријека во 2020 година треба да стане културна престолнина на Европа, и затоа сака да ја обнови и покаже јахтата на некогашниот југословенски лидер, Јосип Броз-Тито којашто рѓосува на пристаништето.
Ако сѐ се одвива според замислата на градските служби, јахтата на Тито ќе стане музеј во кој ќе биде изложена богатата историја на Ријека и ќе биде предмет на национална гордост.
Градските служби одвоија 20 милиони евра за да ја санираат пропаднатата градска инфраструктура, а размислуваат да одвојат 30 милиони евра за финансирање на културната обнова.
Како централен симболичен дел од таа обнова е одбрана оваа поморска реликвија од минатото: јахтата „Галеб“ што е стара скоро 80 години. Некогаш славниот брод на морнарицата на поранешна Југославија што се користел и за обука, сега рѓосува во пристаништето во Ријека.
„Галеб“ сега пружа надеж за Ријека која се бори да го оживее стопанството откако речиси доживеа колапс на тешката индустрија и производниот сектор кон крајот на 80-тите.
„New York Times“ пишува дека контроверзното наследство на Тито го загрозува ваквиот план. Екстремната десница во земјата се противи на ваквите планови. Тие се решени да ја погребаат комунистичката историја на Тито и да ја оживеат приказната за независна Хрватска од Втората светска војна.