Владата најави нова инвестиција и 250 вработувања
Објавено во: Економија 27 Февруари, 2015
Вкупна инвестиција од 250 милиони евра за четири години и 250 нови вработувања само во првата фаза предвидува договорот за концесија за експлоатација на бакар, злато и сребро на локалитетот Казандол што денеска го потпишаа министерот за економија Беким Незири и менаџерите на компанијата САРДИЧ МЦ ДООЕЛ – Скопје.
Согласно договорот, најпрво ќе се гради фабрика за катоден бакар со капацитет од 4.000 тони годишно, а геолошките истражувања продолжуваат на уште два локалитета каде се планира изградба и на објекти за финални производи.
- Владата продолжува со активностите за привлекување странски инвестиции кои имаат позитивен ефект врз растот и развојот на економијата. Компанијата САРДИЧ со англиско-украински капитал во првата фаза од проектот ќе вложи 25 милиони евра и ќе вработи 250 лица, но плановите не застануваат тука, рече министерот Незири пред потпишувањето на договорот.
Како што информира извршниот управител на компанијата Генадиј Сичов, изградбата на фабриката почнува во мај, а производството треба да стартува најдоцна до крајот на годинава.
- Експлоатацијата на бакарната руда ќе се врши со најсовремена технологија, според сите еколошки стандарди, без какви било влијанија на животната средина, напомена Сичов.
Бакарните катоди ќе бидат наменети за македонскиот пазар, но дел и ќе се извезува. Се очекува приливот на средства во државата да изнесува околу два милиона евра.
Во подготвителните активности за целиот процес САРДИЧ досега вложи пет милиони евра.
Компанијата во јануари минатата година по електронското наддавање го доби тендерот за детални геолошки истражувања во рудните наоѓалишта Казандол, Плавуш и Петрошница. Истражувањата завршија во рекордно време и беа изготвени потребните елаборати. Новиот капацитет на САРДИЧ ќе користи напредна, веќе разработена технологија за извлекување бакар. Станува збор за специфичен процес во затворен циклус на извлекување и преработка со електролиза без испуштање какви било гасови, течности или тврди отпадоци во околината.
Можеби ќе ве интересира
ЕУ ПРЕСЕЧЕ - НА ШИШИЊАТА ОСТАНУВААТ ФИКСИРАНИ КАПАЧИЊА: За оваа новина имаше бурни реакции во јавноста
СЕ ПРОДАВА ЕДЕН ОД СИМБОЛИТЕ НА НОВИ САД: Се споменува бројка од 177 милиони евра, а се чека само уште еден документ
Граѓани наплатија над 7 милиони евра од осигурување живот за пет месеци
ТУРСКИ ЈИЛДИРИМ КОЈ СТАНА ГАЗДА НА НАШ ФЕНИ, РАБОТИ И ВО ХРВАТСКА - еве во која компанија таму е мнозински сопственик
„СТАНАВ МИЛИОНЕР БЕЗ А1, НО ОСТАНАВ БЕЗ МИЛИОНИТЕ ПОРАДИ А1, ЦРВЕНКОВСКИ НЕ МЕ ПРЕДАДЕ“ - емотивна исповед на Рамковски, во Бизнис муабети на Фактор
ИЗБОРИТЕ ЗАВРШИЈА, ВРАБОТУВАЊАТА ВО АДМИНИСТРАЦИЈАТА МОЖАТ ДА ПОЧНАТ - се редат огласи, но што е со ниските плати
ЦРН РЕКОРД: Кое охридско комунално претпријатие плаќа струја 19 отсто поскапа од берзата?
ЗА АВТОПАТОТ СКОПЈЕ - БЛАЦЕ ДВЕ ГОДИНИ ПО РЕД СЕ ТРОШАТ „НУЛА“ ДЕНАРИ: Дел од него требаше да биде готов во август 2021 година
УШТЕ ЕДЕН УДАР ЗА КИНА: За купени производи од „Алиекспрес“ и „Шејн“ можно е да се воведат царини
