Владата најави нова инвестиција и 250 вработувања
Објавено во: Економија 27 Февруари, 2015
Вкупна инвестиција од 250 милиони евра за четири години и 250 нови вработувања само во првата фаза предвидува договорот за концесија за експлоатација на бакар, злато и сребро на локалитетот Казандол што денеска го потпишаа министерот за економија Беким Незири и менаџерите на компанијата САРДИЧ МЦ ДООЕЛ – Скопје.
Согласно договорот, најпрво ќе се гради фабрика за катоден бакар со капацитет од 4.000 тони годишно, а геолошките истражувања продолжуваат на уште два локалитета каде се планира изградба и на објекти за финални производи.
- Владата продолжува со активностите за привлекување странски инвестиции кои имаат позитивен ефект врз растот и развојот на економијата. Компанијата САРДИЧ со англиско-украински капитал во првата фаза од проектот ќе вложи 25 милиони евра и ќе вработи 250 лица, но плановите не застануваат тука, рече министерот Незири пред потпишувањето на договорот.
Како што информира извршниот управител на компанијата Генадиј Сичов, изградбата на фабриката почнува во мај, а производството треба да стартува најдоцна до крајот на годинава.
- Експлоатацијата на бакарната руда ќе се врши со најсовремена технологија, според сите еколошки стандарди, без какви било влијанија на животната средина, напомена Сичов.
Бакарните катоди ќе бидат наменети за македонскиот пазар, но дел и ќе се извезува. Се очекува приливот на средства во државата да изнесува околу два милиона евра.
Во подготвителните активности за целиот процес САРДИЧ досега вложи пет милиони евра.
Компанијата во јануари минатата година по електронското наддавање го доби тендерот за детални геолошки истражувања во рудните наоѓалишта Казандол, Плавуш и Петрошница. Истражувањата завршија во рекордно време и беа изготвени потребните елаборати. Новиот капацитет на САРДИЧ ќе користи напредна, веќе разработена технологија за извлекување бакар. Станува збор за специфичен процес во затворен циклус на извлекување и преработка со електролиза без испуштање какви било гасови, течности или тврди отпадоци во околината.
Можеби ќе ве интересира
СИТЕ КОИ ПРИМААТ НАДОМЕСТ ОД 563 ЕВРА МЕСЕЧНО МОРА ДА СЕ ПОДГОТВАТ НА ПРОМЕНА: Германската власт воведува низа строги правила и финансиски санкции
МИНИСТЕРОТ НИКОЛОВСКИ ОБЈАВИ ДЕКА НА ПАЗАРОТ НА МОБИЛНА ТЕЛЕФОНИЈА ПОСТОИ ДУОПОЛ И КАЖА ВАЖНА ВЕСТ - се размислува за доделување лиценца за трет мобилен оператор
КАКО ДА ОСТАВИТЕ РАБОТА СО ШЕСТОЦИФРЕНА ПЛАТА - откриваат поранешни вработени во технолошки компании
ОВА СЕ ДЕСЕТТЕ НАЈГОЛЕМИ ЕКОНОМИИ НА СВЕТОТ ВО 2024 ГОДИНА - Америка и Кина и натаму на врвот
БОРБАТА СО ЛЕЖАЛКИТЕ Е ВО ПОЛН ЕК, ПРОТИВ „ОКУПАТОРИТЕ“ НА ПЛАЖИТЕ СЕ БОРАТ И СО ДРОНОВИ - луѓето кренаа глас против баровите, мора да има ред
ПОСЛЕДНИОТ СОСТАНОК СО ГРУЕВСКИ МИ БЕШЕ ЗА НАМАЛУВАЊЕ НА БУЏЕТОТ, НО ТИЕ НЕМАА НАМЕРА - Велија Рамковски во Бизнис муабети открива која била неговата главна битка
ГИ СОВЕТУВАМ ЛУЃЕТО ДА КУПУВААТ ЗЛАТО, ПРИЧИНАТА Е ТОА ШТО ДОПРВА ДОАЃА: Познат руски економист го вклучи алармот
ШТРАЈКОВИ ВО ЕВРОПА ЗА КОИ ТРЕБА ДА ЗНАЕТЕ: Незадоволството на работниците поради платите ќе им „се удри од глава“ на туристите
И ВИКЕНДОВ СЕ РАБОТИ: Владата го „крчка“ новиот буџет еве за што ќе се трошат парите
