Владата со одлука вечерва: Србите ќе може да одат на одмор во Грција преку Македонија
Објавено во: Македонија 13 Јуни, 2020
Владата на денешната 66-та седница го донесе Протоколот за непречен транзит на странски државјани низ територијата на Македонија, кој утврдува дека државјаните на други држави кои транзитираат низ земјата можат , до целосната либерализација на режимот за влез и излез во нашата држава, да ги користат граничните премини Табановце, Деве Баир, Богородица, Ќафасан, Блаце и аеродром Скопје.
Транзитот на овие лица подразбира влез на еден граничен премин и излез на друг со обврска при транзитот да не се излегува од соодветниот автопат или локален пат и тој да се реализира во рамките на најмногу 5 часа.
Тоа ќе се потврдува со изјава која странските државјани треба да ја пополнат на влез, а на излез треба корисникот да ја предаде на граничната полиција со цел да се контролира времетраењето на транзитот.