Владо Камбовски ќе ги подготвува „повисоките казни“ за функционерите
Објавено во: Македонија 02 Октомври, 2020
Љупчо Николовски, вицепремиерот задолжен за борба против корупцијата и криминалот, одржлив развој и човечки ресурси, објави дека академикот Владо Камбовски ќе го подготвува новиот Кривичен законик со кој ќе се зголемат неговите овластувања и ќе се заострат казните за функционерите.
Камбовски ќе биде претседавач на работната група која го подготвува новиот Кривичен законик, а Николовски министерот за правда Бојан Маричиќ со него разговарале за повеќе теми.
„Меѓудругото законските измени, предвидуваат заострување на казнената политика за кривични дела кои се поврзани со носители на јавни функции, и очекуваме новото законско решение значително да влијае врз спречување на корупцијата и финансискиот криминал. Од работната група ми посочија дека до средината на овој месец, измените ќе бидат подготвени и доставени до Министерството за правда“, напиша Николовски на Фејсбук.
На состанокот било заклучено дека е потребна интензивна и редовна координација со сите надлежни институции за да се создаде функционален закон.