ВМРО ДПМНЕ ДАВА ПОДДРШКА НА БЕСА, ЛЕВИЦА „БОМБАРДИРА“: Ќе бидеме ли први во Европа со етничка припадност во личните карти?

Добивај вести на Viber

Се поизвесно е дека етничката припадност ќе најде место во личните карти.

Предлогот во моментов е во собраниска процедура а негови предлагачи се пратеници од Беса. 

Законот за изменување и дополнување на Законот за лични карти по скратена постапка ќе биде аминуван од страна на албанските партии, додека поддршка ќе даде и најголемата опозициска партија ВМРО ДПМНЕ.

Левица предлогот го блокираше со илјадници амандмани а и претседателот на државата Стево Пендаровски не се согласува етничката припадност да биде во личните карти но сепак ќе го потпише законот доколку помине во собрание. 

Иако сме свесни дека во Европа нема каде во лична карта стои националности, нема да бараме промена на името на Република Македонија, и другото прашање е да стои националност Македонска, истакна во емисијата на ТВ21 пратеничката од редовите на ВМРО-ДПМНЕ Дафина Стојановска .

Стојановска потенцира дека нејзината партија ќе се согласи на промени во законот за лични карти поради повреденото национално чувство на македонскиот народ во својата матична држава.

-Поради тоа би се согласиле, слушајќи го македонскиот народ, нека стои македонец како националност“, потенцира Стојановска. 

Досега, ниту една земја во Европа нема воведено вакво прашање,а етничката припадност е сензитивна тематика.