ВМРО-ДПМНЕ: СДСМ продолжува да се занимава со интриги, шпекулации и деструкција

Добивај вести на Viber

Од ВМРО-ДПМНЕ велат дека тие континуирано создаваат и придонесуваат во интерес на сите граѓани, додека според нив, СДСМ продолжува да се занимава со интриги, шпекулации и деструкција.

ВМРО-ДПМНЕ во изминатиов период работи на реализација на низа капитални инвестици и проекти, а СДС единствено што смисли и најави е блокада на отпочнатите проекти, додаваат од партијата. 

„Владата предводена од ВМРО-ДПМНЕ во изминативе години голем акцент стави на здравството и здравствената заштита на граѓаните, инвестирајќи во нови медицински објекти, апарати и обучување на кадарот. Владата на ВМРО-ДПМНЕ по иницијатива на Претседателот Никола Груевски го изгради ПЕТ центарот – центар за рана дијагностика и лекување на малигни заболувања кој од вчера официјално почна со работа со пациенти, ова инвестиција е вредна 16 милиони евра и претставува единствен таков објект на потегот помеѓу Виена и Атина. Владата на ВМРО-ДПМНЕ изгради голем број на нови објекти за потребите на јавните и државните институции и со тоа спречи милионски одливи од државната каса на име закупнина за објекти и деловен простор. Деновиве привршува изградбата на новата зграда на АД ЕЛЕМ, каде ќе бидат сместени дополнителни шест регулаторни тела на простор од 10.000 м2, со 8 надземни и 3 подземни ката, со што овие институции ќе добијат нормални услови за функционирање и работа. Додека ВМРО-ДПМНЕ работи за подобра иднина на сите, партнерите на Заев се пазарат колкав дел од Тиранската Платформа да се реализира, а колкав да остане во следната фаза“ - стои во соопштението на ВМРО-ДПМНЕ. 

Велат дека граѓаните знаат што е подобро за нив и за нивната иднина, затоа и ВМРО-ДПМНЕ победи на последните избори, а СДС по 11-ти пат загуби. Бараат СДС наместо да се служи со измами, во најбрз можен рок да овозможи редовни локални и предвремени парламентарни избори, на кои ќе го слушнат гласот на граѓаните и нивниот одговор за целата деструкција.