ВНИМАТЕЛНО КОГА СЕ ГОТВИ - што го предизвикало пожарот на Рузвелтова
Објавено во: Македонија 09 Декември, 2019
За среќа нема повредени, но била причинета материјална штета, односно станот е буквално пеплосан. Ова е билансот од пожарот кој избувна вчера претпладне на улицата Рузвелтова во главниот град, во стан на петтиот кат.
За да се изгаси пожарот интервенирале 15 пожарникари со 5 возила. Благодарение на брзата реакција на пожарните екипи, пожарот бил изгаснат за половина час.
Неофицијалните информации што првично се појавија за причините за пожарот говорат дека огнот избувнал поради невнимание при готвење. Тој брзо се проширил во кујната, а потоа и низ целиот стан. Противпожарната екипа успеала да спречи огнот да ги зафати и останатите станови во зградата.
Некои од очевидците коментирале дека глетката била страшна. За медиумте изјавиле дека двајца од станарите цело време беа на терасата, односно биле заглавени и чекале огнот да биде целосно изгаснат.
Од општина Карпош најавиле дека се подготвени да помогнат за санирање на последиците од пожарот.