Вучиќ ќе го угости Османи: што е причина за посетата на Белград на шефот на дипломатијата
Објавено во: Македонија 18 Февруари, 2021
Српскиот државен врв денеска ќе го прими шефот на македонската дипломатија.
Бујар Османи патува кај соседите каде што ќе има повеќе средби со високи српски претставници меѓу кои се српскиот претседател Вучиќ, премиерката Ана Брнабиќ, но и со Ивица Дачиќ кој е актуелен претседател на Народното собрание на Србија.
Османи ќе има средба и со неговиот колега Никола Селаковиќ а како што стои во соопштението на МНР министерот и српските претставници ќе зборуваат на повеќе теми како билатералните односи на двете земји, европската алтернатива, како и предизвиците на двете влади во справување со корона пандемијата.