Вучиќ положи заклетва како нов претседател на Србија
Објавено во: Балкан 31 Мај, 2017
Избраниот претседател на Србија, Александар Вучиќ, положи заклетва во парламентот на земјата и e инаугуриран како шеф на државата со петгодишен мандат.
Откако прво поднесе оставка како премиер на Србија, Вучиќ положи заклетва како претседател, положил рака врз копија од најстариот српски пишан споменик - Мирославовото евангелие од XII век, и на уставот на земјата:
„Се заколнувам дека ќе ги посветам сите свои напори за зачувување на суверенитетот и територијалниот интегритет на Република Србија, вклучувајќи го Косово и Метохија, како составен дел од неа, како и за почитувањето на правата и слободите на човекот и малцинствата, за почитување и заштита на уставот и законите, зачувувањето на мирот и просперитетот на сите граѓани на Република Србија, и совесно и одговорно да ги исполнувам сите мои службени должности“, рече на свечена церемонија Вучиќ.
На церемонијата присуствуваа досегашниот претседател Томислав Николиќ, претседателот на Република Српска во Босна и Херцеговина, Милорад Додик, лидери на политички партии, претставници на Словенија, Унгарија, Црна Гора, Хрватска, Босна и Херцеговина, Грција и Австрија, амбасадори.
Пред зградата на Собранието се собраа неколку илјади луѓе кои му аплаудираа на новиот претседател.
Можеби ќе ве интересира
СРБИЈА СЕ СЕЌАВА НА МАСАКРОТ ВО „ВЛАДИСЛАВ РИБНИКАР“: Секој 3 мај ќе биде ден на тага и сеќавање
УШТЕ ЕДЕН СТУДЕН БРАН ЌЕ УДРИ ВО ЕВРОПА И НА БАЛКАНОТ: Дали ни доаѓа многу ладен бран со дожд, снег и мраз?
„ЗА ТИЕ ПАРИ...“: Луѓето револтирани од цените на Јадранот
Бугарија го повика хрватскиот амбасадор откако Милановиќ им рече дека се последни
„КУЌАТА СИЛНО СЕ ТРЕСЕШЕ, ИЗБЕГАВМЕ СИТЕ НАДВОР“: Жител на Кладово за земјотресот што утрово ја стресе Србија
ЕВЕ КАКВИ ДОКУМЕНТИ ТРЕБА ДА ИМАТЕ ЗА ДА ВОЗИТЕ АВТОМОБИЛ ВО ГРЦИЈА: Некои од нив се, некои не се задолжителни
ПРОЕКТ МИСТИЧЕН БАЛКАН: Четири земји од Западен Балкан донесуваат туристи од САД
ЗА СРЕБРЕНИЦА: Босанскиот суд ќе гони Србин затоа што го негирал геноцидот
УБИСТВО ВО ГЕРМАНИЈА: Косовски Албанец уби Србин во Дизелдорф
