ВУЧИЌ: СРБИЈА ПРЕГОВАРА СО ЕДНА ЗЕМЈА КОЈА РАЗВИВА ВАКЦИНА - се надевам дека ќе ја добиеме пред крајот на годинава

Добивај вести на Viber

„Денес ќе имаме уште поголем број заразени so коронавирусот“, рече српскиот претседател Александар Вучиќ, кој е во посета на Бања Лука.

Белград и Нови Сад, вели тој, се жаришта создадени како резултат на протестот. Го знаевме и очекувавме тоа, рече Вучиќ.

„Се надевам дека ќе го надминеме овој најлош период пред крајот на оваа недела. Очекувам до сабота да го завршиме тоа доцнење во откривањето на резултатите од тестовите до сабота. Најмногу тестираме, девет пати повеќе од другите во регионот. И, ќе тестираме повеќе“, рече претседателот на Србија, пренесува Б92, додавајќи дека резултатите се очекува да пристигнуваат за 24 часа.

Тој вели дека властите ќе ја завршат нивната работа, а остатокот зависи од луѓето и нивните одговорности.

Она што е интересно, е што тој рече дека има две важни вести за граѓаните на Србија.

Првата, како што вели, е дека Србија е во преговори со земја која развива вакцина против коронавирус и дека се надева дека ќе ја добие ваквата вакцина пред крајот на оваа година.

Другата работа, како што вели тој, сакал да им каже на граѓаните на Србија дека никаде во светот не е лесна ситуацијата, но дека е полесна во Србија од каде било на друго место во Европа.

„Луѓето слободно да трошат пари, затоа што нема да им недостасуваат пензии или плати“, рече Вучиќ.