За Иванов несериозно е телефонски да се решаваат техничките барања кои го „мачат“ спорот со името

Добивај вести на Viber

Несериозно е наметнатите технички барања, да се решаваат телефонски и по пат на личен договор меѓу премиерите на двете држави смета шефот на државата.

Од кабинетот на Ѓорге Иванов го соопштија ставот на претседателот а според инфомациите шефот на државата смета дека е несериозно и неодговорно прашањето за името, кое е исклучително важно прашање за граѓаните на Република Македонија да се крои преку телефонски разговор.

- Стратешките определби на Република Македонија за членство во Европската Унија и во НАТО се јасно дефинирани и непроменети. Зачувувањето на уставното име и изнаоѓањето на решение кое нема да предизвика уставни промени, во никој случај не е насочено против интеграцијата на Република Македонија во Европската Унија и НАТО. Склучувањето на меѓународен договор содржан во еден или повеќе поврзани меѓусебни документи треба да биде во согласност со Уставот на Република Македонија, а не да предвидува негова измена, пишува во соопштението од кабинетот на Иванов.