За Каракачанов интервјуто на Заев било мал чекор, но сака пишан план
Објавено во: Македонија 26 Ноември, 2020
Заев направи мал чекор во вистинска насока, но треба писмен документ, изјави Красимир Каракачанов, бугарскиот вицепремиер и министер за одбрана.
Тој денеска рече дека интервјуто на премиерот Зоран Заев за БГНЕС е „мал чекор во вистинска насока“ и оцени дека ако се оди со оваа брзина, може Македонија да ги започне преговорите со ЕУ.
За бугарската ТВ Би-ти-ви Каракачанов вели дека Заев собра храброст и поради тоа некои од неговите противници го критикуваат.
„Но, јас не верувам во декларации и интервјуа, туку сакам да видам што ќе се направи на дело. До пред два месеца, некои работи што ги кажа сега – за заедничката историја, за некои заеднички херои – беше незамисливо да ги слушнеме. Ова е чекор напред. Историјата е заедничка, но треба да појасниме каква. Таа е заедничка, но сепак таа е бугарската историја“, рече Каракачанов.
Тој вели дека сакаат пишан план.
„Ние сакаме овој услов да биде многу јасен во договорот со ЕУ и да биде јасно дека можеме да го запреме овој процес во секое време доколку договорот меѓу Бугарија и Македонија не биде исполнет од нивна страна“, нагласи Каракачанов.
Интервјуто на Заев поттикна многу реакции во Македонија.
„Антифашистичкото минато е дел од моето семејство и од мојот град, и јас имам дедовци и баби учесници во НОБ, но наша должност како нација и граѓани, а посебно моја како премиер, е да ги правам исчекорите и да градам пријателство низ призмата на Европската унија, бидејќи огромното мнозинство е за членство“, рече денеска премиерот Зоран Заев од селото Гиновци.Можеби ќе ве интересира
РАДУША: Дупнати гумите на возилото на еден набљудувач
ДАШТЕВСКИ: Нема бојкот, сите што излегле на парламентарни, гласале и за претседател
ТОШКОВСКИ: Во текот на вчерашниот ден имаше незаконски дејствија
ДИК: На претседателските најголема излезност во Пробиштип, а најмала во Боговиње
НАРОДЕН ПРАВОБРАНИТЕЛ: Граѓаните можат да пријават повреда на избирачкото право на бесплатна телефонска линија и лично
ПОМИНА ВЕЛИГДЕН: Уште колку дена имаме фора за да ги изедеме вапцаните јајца?
ВТОР КРУГ ПРЕТСЕДАТЕЛСКИ ИЗБОРИ: Колку гласови се потребни за победа?
ВАЖНО ЗА ГРАЃАНИТЕ: Mожaт да гласаат оние со лични документи чија важност завршила пред 9 месеци
