Заев и Ципрас ќе пловат со брод
Објавено во: Македонија 17 Јуни, 2018
Доколку временските прилики дозволат македонскиот премиер Зоран Заев придружуван од министерот Никола Димитров со брод ќе пристигнат во Нивици (Псарадес) на грчката страна на Преспанско Езеро каде што во 9,30 часот е предвидено да биде потпишан договорот со кој официјалното име на РМ во иднина ќе биде Република Северна Македонија.
Договорот ќе го потпишат министрите Димитров и неговиот грчки колега Никос Коѕијас. Македонската делегација ќе биде пречекана од грчкиот премиер Алексис Ципрас на пристаништето, а потоа заедно ќе се упатат до специјално за оваа прилика подигната платформа но и шатор каде треба да се случи потпишувањето.
На чинот ќе присуствуваат и високи претставници на ЕУ и ОН, но и бројни новинарски
екипи.
По потпишувањето на договорот, двајцата премиери, министрите за надворешни
работи и официјалните гости исто така со брод ќе отпловат до спротивниот брег на
Преспанско Езеро, во Отешево, каде е предвиден свечен ручек.