„Делот на електричната енергија и комуналните услуги кои се испорачуваат се сериозен трошок и долг кои граѓаните го имаат. Се прават анализите колку е тоа возможно некогаш тие или нивните деца да го платат, најголем дел решенијата нѐ водат Владата да изнајде начини, и механизми, и финансии на тие наши сограѓани да им помогнеме. Ние веруваме дека на тој начин парите се враќаат повторно во економијата, еден дел се враќа дури и во Буџетот, но се симнуваат проблеми надвиснати над граѓаните посебно на оние кои се исклучително сиромашни“, рече премиерот.
Заев: Владата ќе посредува во плаќањето на долговите кон ЕВН
Објавено во: Економија 30 Ноември, 2018
Зоран Заев, премиерот на Македонија, одговараjќи на собраниски прашања, рече дека Владата же посредува како медијатор помеѓу ЕВН и граѓаните за да им го олесни плаќањето на старите долгови за струја од 2006 па наваму..
- Решението на овој проблем ќе биде по примерот на Хрватска и на некои други земји, но сето тоа ќе биде принципиелнно без да се создава лажна мотивација за неплатени нови сметки - рече Заев и најави дека плаќањето ќе се одвива по принцип на компензација.
Тој додаде дека правните тимови ги направиле потребните анализи и дека се работи за огромна неплатена сума од 440 милиони евра, со тоа што тука е вклучена и сумата на тековните сметки.