ЗАХАРИЕВА: Говорот на омраза кон Бугарија во последните неколку месеци е на невидено високо ниво, блокадата е за преговарачката рамка

Добивај вести на Viber

Бугарската шефица на дипломатијата, Екатерина Захариева, за порталот „Фактор.бг“ вели дека се уште имаат надеж и остануваат конструктивни и отворени за дијалог со колегите од Скопје. Во нејзината изјава истакнува дека бугарските власти практично биле принудени да ја блокираат преговарачката рамка затоа што Македонија не го ценела бугарското пријателството.

-Ние сме многу посветени на добрососедските односи, како едни со други во ЕУ, така и со земјите од Западен Балкан. За жал, Република Северна Македонија не ги ценеше нашите пријателски и добронамерни активности и ги игнорираше нашите предупредувања за непочитување на Договорот за добрососедство, пријателство и соработка. Поради овој факт е блокадата за преговарачката рамка, вели Захариева.

Истовремено, како што пишува порталот, решение ќда се надмине сето ова би било многу полесно откако ќе се смират емоциите и како што вели Захариева, ќе се намали говорот на омраза кон Бугарија. Според неа тој е досега највисоко ниво, посебно во последниве неколку месеци.