Захариева: Прашањето дали го оспоруваме идентитетот беше решено со чинот на признавање на независноста
Објавено во: Македонија 16 Февруари, 2021
Бугарската шефица на дипломатијата, Екатерина Захариева изјави дека лага е дека тие го спорат македонскиот идентитет.
Таа ова го кажа во интервју за zoom.mk. Захариева вели дека ова многу пати го кажале и дека македонските политичари тоа го знаат.
„Но, пред македонското општество и пред европските политичари полесно е да се претставува дека ние го оспоруваме вашиот идентитет. Прашањето дали го оспоруваме идентитетот беше решено со чинот на признавање на независноста на Република Македонија од Бугарија, како прва земја“, изјавува Захариева.
Таа вели дека во Бугарија нема негативен став кон граѓаните на земјава и сака така и да остане.
Деновиве повторно имаше провокативни изјави од бугарски политичари. Бугарскиот европратеник Ангел Џамбаски пак средбата на премиерот Зоран Заев и српскиот претседател Александар Вучиќ ја искоментира како „класичен пример за српско влијание и пропаганда“ во Скопје.