OJO Куманово: Жената била прегазена кога излегла од автомобилот кај Табановце

Добивај вести на Viber

Фото: Alsat

Основното јавно обвинителство Куманово по извршениот убид на самото место, соопшти дека жената која почина во сообраќајна несреќа во близина на граничниот премин Табановце била прегазена откако излегла од автомобилот.

На неа, по претходен судар на две возила, налетал опел инсигнија, а српските медиуми тврдат дека автомобилот бил возен од српскиот пејач Ѓорѓе Давид. Двата инциденти се случиле поради густата магла и намалената видливост.

„Според првичните сознанија, иницијалниот судар меѓу два автомобили, “Фолксваген поло” со кумановски и “Фолксваген голф” со скопски регистарски таблици, бил предизвикан кога најверојатно возачот на еден од автомобилите влегол на автопат во недозволена насока.

По тој првичен судар, патничката од кумановското возило излегла од автомобилот и во тој момент на неа налетал автомобил “Опел инсигниа” со српски регистарски таблици. Од ударот жената се здобила со тешки повреди од кои починала“, објави ОЈО Куманово.

Издадена е наредба за обдукција на починатата, како и за испитување на примероци од крв и урина на другите учесници кои во моментов се хоспитализирани со полесни повреди. Прибрани се траги и материјални докази кои ќе бидат предмет на вештачење со цел прецизно да се утврдат причините за сообраќајната несреќа.