ЖЕСТОКО ВО ТИРАНА И ДРУГИТЕ ГРАДОВИ ВО АЛБАНИЈА: Безредија и немири поради смртта на 25-годишно момче

Добивај вести на Viber

Во Тирана и во останатите поголеми градови во Албанија не стивнуваат протестите поради смртта на 25-годишното момче.

Во жестоките безредија и немири учествуваат главно млади луѓе, кои и вчера се собраа пред зградата на Министерството за внатрешни работи, а потоа револтот го искажаа и пред седиштето на премиерот Еди Рама.

И по оставката на министерот за внатрешни работи, Сандер Лешај, демонстрантите бараат и оставка и од првиот човек на албанската полиција, Адри Велиу. Сметаат дека е крајно време да престане полициската бруталнот во земјата, за што е потребна, како што велат, целосна реформа во овој сектор.

Инаку, 25-годишното момче почина откако полициски службеник пукаше во него ноќта на 8.декември во 1.часот по полноќ.  

Во официјалното соопштение на албанското МВР се наведува дека по повикот на полицијата да запре, момчето не послушало и почнало да бега од полицијата. Исто така, во извештајот стои дека полициските службеници откриле дека тој носел огнено оружје. Еден од полицајците, откако не успеал да го фати лицето, кон него отворил оган со службено оружје, при што 25-годишникот бил повреден, но подоцна во болница им подлегнал на повредите.

Полицаецот кој пукал во момчето е приведен, бидејќи МВР оценува дека постапките на полицискиот службеник се во спротивност со стандардните процедури за употреба на огнено оружје.