Згаснат џихадистички блог заради величење на ИД
Објавено во: Балкан 08 Мај, 2016
Познатиот исламистички блог Вјестиумета е згаснат.
На страницата не може да се пристапи и пишува дека блогот е архивиран или суспендиран заради кршење на условите на користење. Оваа страница за промовирање на терористички активности на ИД и сеење страв постоеше прво како портал, а потоа и како блог. На блогоѕ беа објавувани видеа во кои се повикуваше муслиманите да земат пушки и да почнат со крвопролевање. Постапките на оние кои управуваа со блогот ја згрозија јавноста, кога беше објавено видео од погубувањето лани во август на Томислав Салопек од Хрватска кој е киднапиран од исламистите во Египет каде бил на работа.