Жените на власт – повеќе од било кога
Објавено во: Стил 09 Август, 2016
Меѓу најпознатите жени во политиката се Хилари Клинтон и Тереза Меј.
Тие се влијателни, искусни, амбициозни жени, никогаш досега толку многу од нив не се разликувале во политиката, иако остануваат малцинство, кое ќе треба да води тешка борба во машкиот свет.
За прв пат жена, демократката Хилари Клинтон, може да биде избрана на 8 ноември да влезе во Белата куќа. На 68 години таа веќе влезе во историјата, станувајќи првата жена номинирана за претседател од голема американска партија.
„Ова е нешто историско, исто како што Барак Обама беше нешто историско. Нема никакво сомневање"- уверува Естер Фукс, професорка по политички науки на Универзитетот Колумбија, потсетувајќи на изборот во 2008 година на првиот црн претседател на САД.
Уште во 1979 година конзервативката Маргарет Тачер имаше водечка улога во британската влада. 37 години подоцна истото го прави Тереза Меј. Таа исто така често е класифицирана како „Железната лејди", слично на Ангела Меркел, која раководи со Германија од 2005 година.
Некои од нив се инфилтрирале во затворениот свет на финансиите, како Французинката Кристин Лагард, генерален директор на Меѓународниот монетарен фонд. Други се модерното лице на големи европски градови како Париз, Рим или Мадрид. Тие сепак остануваат малцинство и нивниот број расте сосема бавно.
Во почетокот на 2015 година само 17,7 проценти од министрите во светот се жени според агенцијата „ОН жени".
Можеби ќе ве интересира
Мемедоски е македонскиот претставник на „Светскиот избор за Мис и Мистер за глуви“ во Прага: Бог ме направил различен од другите, но ми подарил повеќе таленти
