Зоран Заев: Асаф Адеми си оди од здравствени причини
Објавено во: Македонија 06 Мај, 2019
Премиерот Зоран Заев ја потврди оставката на министерот за култура, Асаф Адеми. Според Заев, Адеми се повлекува од здравствени причини.
Според информации кој ги имаше „Фактор“ пред претседателските избори, тој уште тогаш ја депонирал оставката, но не беше предвидено да биде избран негов наследник до изборите. Адеми во меѓувреме не одеше на работа и го користеше одморот.
Инаку според информациите на Фактор, Адеми официјално навел дека оставката е поради здравствени причини иако од Владата тогаш немаше потврда за тоа. Сепак според нашите извори, Адеми си оди погоден од тоа што мораше да ја измени годишната програма за доделување на средства во културата. Тој цврсто застана во одбрана на конкурсот и доделенеите пари, но во јавноста, нема дилема, одлуката и распределбата беа оценети како контроверзни.
Адеми во Владата беше ангажиран како кадар на скопското крило на Беса, сега именувана како „Алтернатива“.