10 милиони денари донација наместо поврат на „Мој ДДВ“ пред да се премислат граѓаните

Добивај вести на Viber

До сега во солидарниот фонд за справување со корона-кризата се донирани околу 10 милиони денари од граѓаните, кои наместо да го добијат на своите сметки, го вратиле повратот од „Мој ДДВ“.

Со измени на уредба на граѓаните синоќа Владата им овозможи да си го вратат на своите трансакциски сметки по грешка донираниот „Мој ДДВ“ во солидарниот фонд за справување со корона-кризата.

Физичките лица кои дале по грешка согласност за донирање на вратениот ДДВ во првиот квартал од 2020 година ќе може да го променат одговорот најдоцна до 30 јуни 2020 година и да се стекнат со право на враќање на ДДВ на нивните трансакциски сметки најдоцна до 30 јули 2020 година.

- Сепак беа донирани околу 10 милиони денари од лица кои што се откажале од повратот, што истото сметам дека е за поздравување, потврди министерката за финансии Нина Ангеловска во своето денешно обраќање пред јавноста.

Голем број граѓани пред да се направи оваа измена реагираа дека по грешка махинално реагирае на опцијата за праѓање на повратот од „Мој ДДВ“ во солидарниот фонд и дека потоа немале можност тоа да го исправат.