АД НЕР ги чува парите на Владата за Макпетрол уште од 2019
Објавено во: Економија 29 Декември, 2020
Национални енергетски ресурси, акционерското друштво во државна сопственост, кое го гради гасоводот и треба да го превземе во иднина ГА-МА АД Скопје, операторот кој го одржува системот за пренос на рускиот гас кој доаѓа од Деве Баир, ги чува парите кои треба да му се дадат на „Макпетрол“ за откуп на неговиот удел уште од 2019 година.
Собранието синоќа со 60 гласа „за“, 30 „против“ и без воздражни го донесе Законот за решавање на спорот помеѓу Владата и Макпетрол по пат на спогодба по повеќе од 12 години од спорот
Владата не успеа, како што планираше, до крајот на 2019 година да ја направи државата 100-отстотен сопственик на целиот гасоводен систем, но префрли 32 милиони евра од државниот буџет за таа намена на сметката на АД НЕР.
Наместо парите да завршат кај приватниот ко-сопственик на транспортерот на природен гас во Македонија, ГА-МА АД, тие привремено како позајмица се најдоа на сметката на Национални енергетски ресурси, државното претпријатие кое го гради гасоводот низ земјата.
Ваквото ослободување на средствата беше неопходно поради завршувањето на годината, а при тоа уште во септември минатата година со ребалансот на Буџетот овие пари беа проектирани за купување на „приватниот“ дел на ГА-МА АД.
Согласноста помеѓу Владата и „Макпетрол“ беше постигната со поддршка од Енергетската заедница.