18 Ноември, 2017
0.3109
    ALK 7409.18    0.11%     KMB 2701    -0.03%     MPT 27782.13    -0.78%     STB 934.8    0.37%     TEL 272    -2.82%     TPLF 1656.25    -2.52%

Ахмети не се „дава“ лесно, платформата неизбежна - Се е можно за коалиција, па дури и нови избори

Објавено во: Македонија 11 Јануари, 2017

Али Ахмети прави се за да ја увери јавноста, но пред се својата партија и следбениците од албанскиот блок, дека тој е клучниот фактор за формирање на новата влада. 

Во интервјуто за Клик Плус на ТВ 21 не даде конкретен одговор дали ќе коалицира со Груевски, туку само посочи дека сега се уште е рано партијата да дава конечни ставови се додека постојат повеќе опции во игра, па дури и одржување на нови избори. 

Тоа доаѓа од поставеноста на силите во парламентот, ВМРО-ДПМНЕ и СДСМ се речиси изедначени и без оглед кој и да формира влада таа ќе биде нестабилна и нема да може да функционира непречено на долг рок. 

Ахмети продолжи во сличен манир велејќи дека нема да прифати партнер кој ќе сака да започне или испровоцира војна меѓу двете најголеми заедници во Македонија. Тој и на ВМРО-ДПМНЕ и на СДСМ им порача дека сега мора да ги стават на прво место државните, а не партиските интереси и да се избегне состојба во која политичката криза и понатаму ќе ескалира. 

Според Ахмети засега за ДУИ нема идеален коалиционен партнер, тие како партија во власта во последните две години исто така ја платија цената, а тоа им се одрази и на бројот на мандати на овие избори кој е сведен само на 10. Затоа Ахмети вели дека Груевски и Заев, особено за време на преговорите во Пржино и во други важни ситуации, знаеле сами да се повлечат и да настапат со заеднички став. 

Сепак, клуч за понатамошно делување ќе биде заедничката платформа која ДУИ ја донесе заедно со БЕСА и Алијанса на Албанците, каде особено влијаеа Приштина и Тирана да дојде до договор. Сега, барањата ќе бидат ставени најпрво пред ВМРО-ДПМНЕ и мора тие да се прифатат и имплементираат, во спротивно ДУИ нема да прави отстапки, па токму затоа можни се и нови избори. 

Преговорите меѓу ВМРО-ДПМНЕ и ДУИ ќе ги водат директно двајцата лидери Груевски и Ахмети. Тука мора да се почитува принципот победникот од македонскиот блок да владее со победникот од албанскиот блок, но мора да се почитуваат и интересите на Албанците. 

Во делот од интервјуто посветен на СДСМ, Ахмети вели дека тие се партија со помал политички капацитет и со нив не е гарантирана безбедноста на државата, што исто така нема да биде полезно за државата. 

Целото интервју на Клик Плус со Али Ахмети на ТВ 21 погледнето го во продолжение.


Можеби ќе ве интересира

Македонија и Бугарија се новите најдобри пријатели

Македонија и Бугарија се новите најдобри пријатели

На подарен коњ заби не му се гледаат?! Полицајците добија донација во чизми од 82 година!

На подарен коњ заби не му се гледаат?! Полицајците добија донација во чизми од 82 година!

Дали убиецот на младиот фудбалер е надвор од државата?

Дали убиецот на младиот фудбалер е надвор од државата?

Откако СЈО се наслуша „бомби“ ќе советува за законот за прислушкување

Откако СЈО се наслуша „бомби“ ќе советува за законот за прислушкување

Интервју Положани: Универзитетот Мајка Тереза ќе врши спојување, а не сегрегација

Интервју Положани: Универзитетот Мајка Тереза ќе врши спојување, а не сегрегација

Посебна единица ќе ги лови шверцерите на мигранти

Посебна единица ќе ги лови шверцерите на мигранти

Дали Димитров очекува предлог од Нимиц?

Дали Димитров очекува предлог од Нимиц?

Kој е заменикот на Шилегов?

Kој е заменикот на Шилегов?

ИНТЕРВЈУ ВИЦЕ ЗАЕВ: Ни оддалеку не се споредувам со ликот и делата на Сашо Мијалков!

ИНТЕРВЈУ ВИЦЕ ЗАЕВ: Ни оддалеку не се споредувам со ликот и делата на Сашо Мијалков!