Aко барате работа, во земјава има повеќе од 7.000 слободни работни места
Објавено во: Економија 18 Февруари, 2021
Доколку барате работа, во земјава има повеќе од 7.000 слободни работни места.
На страната на Агенцијата за вработување на Македонија е објавено дека во моментов има 7.091 слободно работно место. На огласите се бараат административци, келнери, општи работници, директори, правници, програмери, возачи, текстилни и чевларски работници, со и без работно искуство. Од час во час состојбата се менува.
Новиот директор на Агенцијата за вработување Абдуш Демири објави дека 18.174 лица го загубиле работното место до 31 јануари година откако започна пандемијата по основ на корона-кризата. Тој додаде дека бројот на нови пасивни баратели на работа кон крајот на минатата година брзо се зголемил, затоа што граѓаните масовно се пријавувале во Агенцијата за вработување за да ја добијат еднократната помош.