Активирана Гигафабриката на Tesla која ќе доминира во производството на батерии
Објавено во: Економија 07 Јануари, 2017
Tesla ја активираше долго најавуваната Гигафабрика која е изградена на огромна површина во Невада. Ветувањето на основачот Елон Маск се оствари и на почетокот на годинава ја пушти во употреба нивната најголема инвестиција, каде ќе има масовно производство на батерии за домаќинство и за електричните автомобили Tesla Model 3.
Tesla Motors во изминатата година со основната фабрика и покрај сите мерки за ефикасност не успеа да ги произведе сите планирани електромобили, а најголем проблем беше и доставата на батерии бидејќи тие се увезуваат претежно од Кина.
Со Гигафабриката Tesla има шанси да воспостави доминација за почеток барем на американскиот пазар за што има ангажирано 5000 основни работници и уште 5000 дополнителни профили за придружните сервиси.