Албанија тоне - јавниот долг скоро 100 отсто од БДП
Објавено во: Економија 07 Декември, 2020
Соседна Албанија тоне во долгови.
Јавниот долг се приближува кон 100 отсто од БДП.
Претседателот на Конфиндустрија, Ѓерѓ Буџуку во интервју за Ора њуз телевизија изјави дека јавниот долг на земјата изнесува 82 отсто од Бруто домашниот производ и наближува до 100 отсто, доколку се земат в предвид сите други обврски.
„Но, ако се разгледаат и обврските кон трети лица, како што се плаќања кон бизнисите, кон граѓаните, обврски од меѓународни арбитражи и пред се обврски кон концесии што ги има државата со бизниси на кои им се дадени преку јавно приватно партнерство, мислам дека сме на граница од 100 отсто“, вели Буџуку.
Додаде дека ова е огромен товар за непродуктивната економија. Буџуку со оценка дека главниот проблем поради кој албанската економија е непродуктивна е недостигот на конкуренција и „зграпчувањето на пазарите во една, две или три раце, монопол или олигопол пазари”. Тој објаснува дека албанската економија била во лоша состојба и пред да биде погодена од кризата предизвикана од катастрофалниот земјотрес и пандемијата.
Албанската Конфиндустрија на почетокот на јули изрази загриженост во врска со порастот на јавниот долг на земјата и предупредува дека до крајот на годинава постои опасност да надмине 100 проценти од бруто домашниот производ (БДП).