Александар Поповски избран за нов извршен член на Одборот на директори на ЗК Пелагонија
Објавено во: Економија 08 Февруари, 2021
Седница на собрание на акционери на ЗК Пелагонија ад Битола се одржа денеска. Од компанијата известуваат дека одлуките кои едногласно биле донесени и изгласани на оваа седница се единствено во интерес на понатамошното успешно работење и функционирање на Комбинатот.
„Единствена поделеност постоеше во однос на предложената точка за измена на Статутот на Земјоделскиот комбинат Пелагонија а.д Битола каде се бараше да биде составен од 6 члена, но со поголемо мнозинство преовлада ставот на Орка Холдинг, да нема промена на Статутот на Комбинатот, во кој има 5 члена, 1 извршен и 4 неизвршни.
За нов извршен член на Одборот на директори на ЗК Пелагонија ад Битола е избран Александар Поповски, предложен од страна на Орка Холдинг, кој доаѓа по ненадејната смрт на извршниот директор Драган Китановски, известуваат оттаму.
Фактор веќе пишуваше за назначувањето на Поповски за член на Одборот на директори на ЗК Пелагонија. Тој има исклучително искуство и познавања и бил на престижни менаџерски позиции.