Алтернатива: Нашиот директор на Идризово го откри тунелот, но за жал го разрешија
Објавено во: Македонија 22 Март, 2023
Од политичката партија Алтернатива, доскорешниот коалиционен партнер на СДСМ и ДУИ во власта, денеска соопшти дека нивниот кадар: Шпенд Тахири како директор на затворот Идризово го открил подземниот тунел од 40 метри и обидот за бегство.
Во меѓувреме, Владата вчера соопшти дека Тахири се разрешува откако Алтернатива повеќе не дел од владеачкото мнозинство, и на негово место се поставува мајорот Зоран Јовановски.
„Вчерашната акција во затворот во Идризово, што резултираше со откривање
на еден тунел кој бил ископан долго време за бегство на затворениците, е
токму резултат на ангажманот на директорот на Алтернатива таму, Шпенд
Тахири. Затоа, да се каже дека директорот на затворот Идризово е сменет
како казна не само што е недолично, туку е и неблагодарно кон човекот
кој до последниот ден на својата работа работел без ниту една афера и
без ниту едно обвинение од никого за неговата коректна работа. За жал,
повеќе благодарни за неговата работа се нашите меѓународни пријатели
отколку нашите државни институции“, реагира Алтернатива.
Според партијата, откривањето на тунелот е круна на успехот на разрешениот Тахири. Акцијата се подготвувала подолго време и ќе биде запишана како историски успех на директорот на затворот во Идризово, додаваат од таму и велат дека во овој случај ДУИ и СДСМ се политички губитници.
„За жал, Министерството за внатрешни работи се кити со туѓи перја – сака
да придобие од работата на некого кој и со жртвување на својот и животот
на своето семејство работел достоинствено и со најголема професионална
совест во институција која можеби е најтешка за менаџирање во државата.
За информација на јавноста, Шпенд Тахири е сменет само заради тоа што
бил кадар на Алтернатива. Но, се чини, дека нарцисите од династијата на
ДУИ и недостојните за договори од СДСМ, очигледно се алергични на
критики.
Но, сакаме да потсетиме дека Шпенд не е виновен што овие две партии ги
уживаат последните денови на својата власт и ова состојба на паника ги
тера да реагираат на штета на државните интереси. Веќе видено очајно
сценарио на политички губитници“, додаваат од таму.