АМСМ: Евзони затворен, Дојран и Меџитлија се отворени за сообраќај

Добивај вести на Viber

Поради штрајк на грчките земјоделци, граничниот премин Евзони сè уште е затворен за сообраќај. 

Премините Дојран и Меџитлија се отворени за сообраќај, стои во соопштението на Авто мото сојузот на Македонија. 

„Сообраќајот на државните патишта се одвива по наместа влажни коловози. Магла со видливост до 20 метри има на патниот правец Крак Маврово- Крак и од 50 до 100 метри на планинскиот превој Ѓавато. Во клисурите и засеците можна е појава на помали одрони, особено на патните правци: Кочани – М.Каменица - Делчево, Виница - Берово, Гостивар - Стража, Маврово-Дебар-Струга, Д.Капија – Удово, Катланово-Велес, Крушево - Демир Хисар и Ресен-Буково“ - информираат од АМСМ. 

Според информација од ЈП Јасен, патниот правец Скопје - Македонски Брод низ Јасен, од 02.02.2017 година од 14:30 часот е со ограничена проодност. Во утврдените термини за еднонасочен сообраќај, дозволено е движење само на лесни теренски возила со погон 4x4.

Сообраќајот на патниот правец А3 Прилеп – Битола – Ресен, преку обиколница Битола е во прекин поради свлечиште и сообраќајот се пренасочува преку градот Битола. 

Интензитетот на сообраќај на патните правци надвор од градските средини е умерен. На останатите гранични премини нема подолги задржувања за влез и за излез од државата. Оваа информација се однесува само за македонската страна на премините.

АМСМ препорачува исклучително внимателно возење, прилагодена брзина на движење и почитување на поставената сообраќајна сигнализација.