Аневски можеби дал суперлатив за Зврлевски но, мислењето не го менува
Објавено во: Македонија 13 Јуни, 2017
Претседателот на Советот на јавни обвнители Петар Аневски не го повлекува мислењето за јавниот обвинител Марко Зврлевски дека бил перфектен во својата работа иако смета дека можеби се изразил повеќе во суперлатив.
- Тоа е мислење. Се изразив можеби многу во суперлатив за обвинителот, инаку е добар обвинител. Секој го дели тоа мислење, мислам дека и мнозинството членови во Советот. Нема забелешка на неговата работата, рече Аневски по денешната седница.
Советот на јавни обвинители ја прифати иницијативата на Владата за разрешување на Марко Зврлевски, па сега процедурата продолжува во Собранието на Република Македонија каде ќе се бара неговиот наследник.