Анкета на ИПСОС покажа водство на ВМРО-ДПМНЕ, од СДСМ велат дека тоа се нарачани анкети
Објавено во: Македонија 15 Мај, 2022
ВМРО-ДПМНЕ води пред СДСМ покажува анкетата на агенцијата ИПСОС.
ИПСОС за потребите на ВМРО-ДПМНЕ изработи теренска анкета на јавното мислење на 1.000 испитаници за периодот од 6 до 26 април 2022 година. Анкетата се однесува на повеќе актуелни прашања.
За ВМРО-ДПМНЕ, доколку утре се одржат парламентарни избори, би гласале 22 отсто од испитаниците, а за СДСМ 12.9 отсто. ДУИ има поддршка од 6.2 отсто од анкетираните, Левица од 5.4 отсто, додека зад нив се Алијанса за Албанците со 2.8 отсто, БЕСА со 2 и Алтернатива со 1.3 отсто. Повеќе од 10 отсто од испитаниците изјавиле дека нема да гласаат на наредните избори, 15,8 отсто од нив одбиле да одговорат.
Лошиот стандард, ниските плати и пензии, високите цени се најзначајните проблеми за анкетираните, бидејќи над 20 отсто од нив го заокружиле токму ова поле.
Од СДСМ велат дека целата македонска јавност имаше можност да види како се спроведуваат анкетите коишто се по нарачка на ВМРО-ДПМНЕ.
„Но, како и да е ова е уште еден доказ за паниката кај Христијан Мицкоски и неговата нервоза поради фактот дека секојдневно неговиот рејтинг опаѓа, соочен со фактот дека и фотелјата во белиот дворец не е сигурна и соочен со фактот дека изборите кои ќе се одржат 2024 година дефинитивно тој ќе ги загуби“, велат од СДСМ.
Инаку, ВМРО-ДПМНЕ неодамна побара одржување на вонредни избори.
Можеби ќе ве интересира
ФАКТОР НА ДЕНОТ: Денеска гласаа болните и затворениците
ЛЕТОЦИ ВО ЧАИР: Пишува „Ако си муслиман, не гласај“
ВАЖНО ЗА ГРАЃАНИТЕ: Лични документи можат да се подигнат и утре
ТАМУ БИЛ ИЗБОРНИОТ МАТЕРИЈАЛ: Неколку мажи се обиделе да ја отворат предната врата и капијата од објект во општина Чаир
НАШИОТ АМБАСАДОР НЕ ПРИСУСТВУВАШЕ НА ЦЕРЕМОНИЈАТА: И Македонија ја бојкотираше инаугурацијата на Путин
УРИВАМЕ „ЦРНИ“ РЕКОРДИ: Два македонски градови се на листата најзагадени во Европа
НА ДЕН ВЕЛИГДЕН, КЕДЕВ ОСВОИ УШТЕ ЕДЕН ВРВ - го „победи“ Макалу, петтиот највисок врв во светот
БОКИ 13 ЗАВРШИ ВО СТАНИЦА: „Замислете, ме пријавил дека сум му ја загрозил безбедноста и дека сум го демнел“
ЗАЧЕСТИЈА НАПАДИТЕ ОД МАЛОЛЕТНИЦИ - четири лица уапсени, ограбиле други малолентици, ќе следи пријава
