АНКЕТА: Пратеници Албанци ќе има помалку, еве зошто...
Објавено во: Македонија 23 Октомври, 2016
Бројот на пратениците Албанци ќе се намали, бидејќи релевантен процент на Албанци ќе гласаат за СДСМ, покажува анкетата на Институтот за истражување на политики и добро владеење (ИПДВ).
Институтот во текот на минатиот шестмесечен период го следел јавното мислење и реализирал истражување во однос на темите кои се поврзани со политичката криза, како и за рејтинзите на албанските политички партии.
Резултатите на анкетата за рејтингот на албанските политички партии потврдуваат дека има пад на рејтингот на ДУИ.
На овие избори изненадување ќе биде БЕСА, кај која што има покачување на рејтингот во споредба од пред шест месеци.
На прашањето, за која од овие политички партии ќе гласате ако се одржат изборите на 11 декември, еве ги одговорите на анкетираните: за ДУИ – 13.4 отсто, а Беса – 10, 2 отсто, за ДПА – 6.3 проценти, за ДР-ДПА – 5 отсто, за НДП – Весел Мемеди – 1.3 отсто, за НДП-Фадил Зендели – 1,9, за Унитети – 0,8 отсто и за СДСМ – 4 проценти од испитаниците.
Истражувањето е направено телефонски со 1100 анкетирани граѓани.