Aтина е затрупана во ѓубре
Објавено во: Балкан 26 Јуни, 2017
Грчката престолнина Атина е затрупана во ѓубре поради штрајк на комуналните служби.
Грчката влада апелираше работниците кои штрајкуваат десетти ден, да се вратат на работа, затоа што до крајот на неделата се очекуваат многу високи температури.
Кон крајот на неделата се очекуваат температури од 42 степени, а сметот може да стане извор на зарази.
Се очекува Владата денеска да го предаде нацрт-законот кој овозможува обновување на договорот со неколку илјади работници на градските комунални служби.
Нивниот синдикат бара постојано вработување за работниците. Сепак, тоа би била ставка која би ги прекршила строгите услови за буџетот, кој Грција мора да ги исполни за да добие меѓународна финансиска помош.