Добивај вести на Viber
Негативната кампања за Охрид не е наивна, туку финансиски мотивирана, вели охридскиот градоначаник Никола Бакрачески, во интервју за порталот
Прес 24.
Тој се сомнева дека туристички агенции, кои организираат патувања во странство, ги користат медиумите за да го претстават Охрид како прескап, неуреден и негостољубив.
„Се работи за спорадични новинарски тенденции за кои сите во Охрид се сомневаат дека имаат своја позадина и дека се најверојатно финансиски мотивирани. Не можам да тврдам, но логично е ако некој константно неосновано го напаѓа Охрид како водечки туристички центар во земјава, да има мотив да го прави тоа“, вели Бакрачески.
Тој нагласува дека градот функционира како и секое друго светски познато туристички место.