Белата куќа: Србија и Косово постигнаа договор
Објавено во: Балкан 04 Септември, 2020
Српскиот претседател Александар Вучиќ и косовскиот премиер Авдулах Хоти потпишаа договор со американскиот претседател Доналд Трамп за нормализирање на економските односи, објави Белата куќа.
„Одлична средба со американскиот претседател Доналд Трамп во Овалната соба“, напиша Александар Вучиќ на Инстаграм.
Имаме договор, кој ни дава можност целиот регион да напредува уште поекономски, изјави министерот за финансии на Србија, Синиша Мали, за Танјуг од Вашингтон, по потпишувањето на договорот меѓу Белград и Приштина во присуство на американскиот претседател Доналд Трамп.
Претседателот на трговската комора на Србија, Марко Чадеж, рече дека договорот потпишан денес нуди нов однос на меѓусебна економска соработка, создавање вистински економски простор каде што секој може да профитира, слободен проток на стоки, луѓе и капитал, како и директна поддршка на приватниот сектор и отворање нови работни места.
Директорот на Канцеларијата за Косово и Метохија, Марко Ѓуриќ, изјави дека она што српската делегација го постигна во Вашингтон е голем успех, особено имајќи ги предвид очекувањата на другата страна и дека договорот за подобрување на економските односи меѓу Белград и Приштина е всушност повеќе. од тоа.
Договорот беше потпишан во Овалната соба.